أمانة بس علمني وش اللي غير احوالك ؟؟

ترانـي كنـت متوقـع تصـدق هـرج خلـق الله
ولكـن مـا توقعتـك تسولـف بـي لعـذالـكـ!!


تبي تنساني ؟ / إنساني /.. فداك اللي مضى كلـه
يجوز أحيا من فراقك مدامـي ميِـت بوصالـكـ!!



ترى ما يجحد الواقـع سـوى خـلٍ نسـى خلـه
مثل ما تجحد عيوني حنيـنٍ حيـل يظمـا لـك!!


مع أني عارف مـا أحـدٍ يـداوي غيـرك العلـه
أسج بحالي لحالـي لجـل مـا ينبـري حالـكـ!!



وأكابر من خطا نفسـي وأزيـد الجـرح و أبلـه
وأتحاول في عبث مضحك أدور غيـر همالـكـ!!



حبيبي حتى لـو زولـي مـن غيابـك فقـد ظلـه
كفاية شمسك اليا اليوم تنسـج حولـي ظلالـكـ!!



تبيني / اعتذر /؟ ( آسف )، لكن وش هي الزله ؟؟
تبيني أجرحـك؟ حاضـر أنـا همـك وغربالـك!!



مـدام أنـي سبـب دمـع حزيـن ناظـرك هلـه
فعساني يا بعد عيني اجل ما اطري على بالـكـ!!



وإذا قالوا لك إن قلبي مـن فراقـك نـزف غلـه
قل إن: مابه بلا ! عسـى درب السعـد فالـكـ!!



وأنـا والله وثـم والله وثــم والله وثــم والله
لا سوي ما تبي من شان بـس تحقـق آمالـك !!


ولكن قبـل مـا تبعـد وتنسـى مـا مضـى كلـه
أمانه بـس علمنـي وش اللـي غيـر أحوالـك!!


/


أعجبتنيـ وأتمـنى تعجبكمـ :



منقووول لعيونكم****



"دمتم بود"